Kryeministri i Kosovës, Albin Kurti, takoi dhe bashkëbisedoi në Izmir me pjesëtarë të mërgatës, studentë dhe përfaqësues të shoqatave të ndryshme shqiptare nga Izmiri, Bursa, Manisa e Stambolli.
Kurti është bërë e ditur se i njoftoi ata me progresin, zhvillimet në Kosovë dhe qeverisjen në tri vitet e fundit.
“Kryeministri gjithashtu veçoi arsyet se pse Kosova ofron një mjedis të favorshëm për investime, përfshirë këtu çmimin e lirë të energjisë elektrike, fuqinë punëtore profesionale, besimin në institucionet publike, politikat fiskale dhe faktin që Kosova së fundmi ka marrë vlerësimin e saj të parë kreditor sovran nga Fitch Rating”, thuhet në komunikatë.
Ndërkohë, Kurti u bëri thirrje atyre që të vijnë në Kosovë, të hulumtojnë mundësitë që ofron Kosova dhe të investojnë, teksa shprehu mirënjohjen e tij për kontributin e vazhdueshëm e të rëndësishëm të mërgatës në Turqi.
Në këtë tubim i pranishëm ishte edhe kryetari i Bashkisë Metropolitane të Izmirit Dr. Cemil Tugay, me të cili kryeministri Kurti gjithashtu pati një takim gjatë qëndrimit në Izmir./teve1.info/
