Kryeministri i vendit, Albin Kurti ka pritur ditën e sotme në takim ambasadorin e ri të Çekisë në Kosovë, Bohumil Mazanek.
Kryeministri Kurti dhe ambasadori Mazanek diskutuan mbi marrëdhëniet bilaterale duke theksuar gatishmërinë për rritje të bashkëpunimit në fusha kyçe si ekonomia, shkëmbimet tregtare, siguria dhe mbrojtja, diplomacia parlamentare e kultura.
Bëhet e ditur se gjatë takimit, Kurti theksoi përkushtimin e Kosovës në objektivat strategjike të vendit siç janë anëtarësimi në Këshillin e Evropës, në Partneritetin për Paqe të NATO-s dhe marrja e statusit të vendit kandidat për avancim në rrugën drejt anëtarësimit në BE.
Ai e falënderoi ambasadorin Mazanek për përkrahjen e vazhdueshme të Çekisë ndaj Kosovës.
Ndërsa në anën tjetër, ambasadori shtoi se “Çekia është një mbështetëse e madhe e Kosovës dhe kjo është politikë konstante e vendit”.
