Kryeministri i vendit, Albin Kurti thotë se nuk e konteston domosdoshmërinë për zgjedhje të parakohshme në veri, por paraprakisht duhet të ketë sundim të ligjit në atë pjesë.
Kurti theksoi se turmat e dhunshme së pari duhet të përballen me drejtësi, e pastaj të krijohen kushte për zgjedhje demokratike, përcjell teve1.info
“Nuk e kontestoj domosdoshmërinë për zgjedhje të parakohshme në një moment, por paraprakisht duhet të kemi sundimin e ligjit në vend, dhe ekstremistët e dhunshëm, këto turma që morën pjesë, duhet së pari të përballen me drejtësi dhe pastaj të krijohen parakushte për fushatë të ndershme, kampanjë të hapur dhe zgjedhje demokratike”, deklaroi ai në një intervistë për NBC news.
Teksa për të depërshkallëzuar situatën, Kurti tha se “ekstremistët” duhet ose të kthehen në Serbi, ose të arrestohen në Kosovë.
“Për depërshkallëzim ne duhet që këto turma të dhunshme, këta ekstremistë ose të kthehen në Serbi, sepse nga aty erdhën fillimisht, ose të arrestohen në Kosovë. E pastaj zgjedhje të parakohshme sigurisht… dhe në të njëjtën kohë ne kemi nevojë që Bashkimi Evropian të jetë aktiv në dialog”, u shpreh kryeministri Kurti.
Kreu i Ekzekutivit shtoi se për t’i inkurajuar serbët që të marrin pjesë në zgjedhje duhet “ta ndalojmë Beogradin që mos t’i ngacmojë ata”. /Teve1.info/
