Një rrugëdalje po e sheh akoma.
E shkuarja në zgjedhje të reja, për të nuk është opsion.
Kësisoj, kryeministri Albin Kurti nuk po pajtohet me dekretin e nxjerrë nga presidentja Osmani, për shpërndarje të Kuvendit.
Duke komentuar vendimin e të parës së shtetit, i pari i Ekzekutivit tha se i njëjti nuk është në harmoni me Kushtetutën.
Sipas tij, edhe nëse mbahen zgjedhjet, ato nuk garantojnë zgjidhje.
Në një konferencë për media të mbajtur këtë pasdite, kryeministri Kurti tha se ka pasur biseda të shumta me krerët opozitarë për çështjen e presidentit, por që siç tha ai, askush nuk ofroi emra.
Kreu i Ekzekutivit tregoi edhe pse nuk e propozoi Vjosa Osmanin për edhe një mandat në Presidencë.
Ndërkohë, Kurti shtoi se veçse janë gati për të deponuar edhe një ankesë në Gjykatë Kushtetuese, pikërisht për dekretin për shpërndarje të Kuvendit.
