Kryeministri i Kosovës, Albin Kurti dhe kryeministri i Suedisë, Ulf Kristersson zhvilluan një takim bilateral, në kuadër të Konferencës së Sigurisë në Mynih.
Në këtë takim u diskutua për aplikimin e Kosovës për anëtarësim në Këshillin e Evropës dhe Bashkimin Evropian dhe për rëndësinë e integrimit të mëtejmë të Kosovës në organizata ndërkombëtare.
Kryeministri Kurti sipas komunikatës e njoftoi kryeministrin suedez për progresin e arritur në sundimin e ligjit dhe për indikatorët ekonomikë dhe demokratik që dëshmohen edhe nga raportet e organizatave ndërkombëtare, përfshirë raportin e BE-së për vendin.
Kurti shprehu falënderimin e tij për mbështetjen ndër vite dhe të vazhdueshme të Suedisë për Kosovën dhe për ndihmën ndaj institucioneve dhe shoqërisë së Kosovës përmes projekteve të ndryshme të financuara nga Ambasada e Suedisë në Kosovë./teve1.info/
