Kryeministri i vendit, Albin Kurti ka pritur sot në takim shefin e misionit të OSBE-së në Kosovë, Michael Davenport.
Sipas një njoftimi bëhet e ditur se gjatë këtij takimi, Kurti ka shprehur shqetësimin e tij për kërcënimet dhe frikësimet nga Beogradi ndaj policëve të rinj serb të angazhuar në Policinë e Kosovës, përcjell teve1.info
Po ashtu u diskutua edhe për procesin e zgjedhjeve të parakohshme në veri.
“Ndër të tjerash, diskutuan për procesin e zgjedhjeve të parakohshme në komunat në veri të Kosovës, me ç’rast Kryeministri shprehu falënderimin e tij për mbështetjen e OSBE-së në adresimin e legjislacionit sekondar në lidhje me nenin 72 të Ligjit për vetëqeverisje lokale. Në takim, u bisedua edhe për integrimin e komuniteteve jo-shumicë dhe pengesat me të cilat ballafaqohen. Në lidhje me këtë, Kryeministri Kurti shprehu shqetësimin e tij në lidhje më kërcënimet dhe frikësimet nga Beogradi dhe strukturat ilegale ndaj policëve të rinj nga komuniteti serb të angazhuar së fundmi në Policinë e Kosovës”, bëhet e ditur në njoftimin e Zyrës së Kryeministrit. /Teve1.info/
