Gjatë një deklarimi para gazetarëve, Kurti tha se 31 tetori mbetet data e fundit për konvertim të targave.
“Jemi të kujdesshëm që të mos rrezikohet paqja dhe siguria, andaj kur të na japin aleatët sugjerime ne i marrim shumë seriozisht”, tha Kurti.
Kurti ka deklaruar se nuk do t’i befasoj aleatët me vendime.
“Jam në kontakt vazhdimisht me ministrin tim të Brendshëm, me drejtorin e Policisë, komandantin e KFOR-it. Nuk duam t’i befasojmë alearët por kriminelët”, tha Kurti.
Ditëve të fundit është diskutuar nëse do të ketë shtyrje të këtij afati, mirëpo përfaqësuesit e shtetit të Kosovës kanë deklaruar se një vendim i tillë është ligjor dhe se nuk mund të ndryshoj.
Kurti i ka bërë thirrje disa herë qytetarëve të Kosovës që mbajnë targa tjera si KS, GL, PR, etj, t’i konvertojnë ato në targa legale të Kosovës RKS.
Për këtë është vendosur edhe afati i fundit 31 tetor 2022.
Përfaqësues të SHBA-së dhe BE-së kanë kërkuar shtyrje të këtij afati per dhjetë muaj.
