Kryeministri i Kosovës, Albin Kurti, ka komentuar vizitën e tij në qytetin e Prizrenit, duke thënë se çdo cep i tij është përplot histori e trashëgimi.
Kurti tha se përmes programit qeverisës kanë zhvilluar projekte të shumta të restaurimit, ndërsa sipas tij funksionalizimi i aseteve të trashëgimisë kulturore do të jetë hapi i radhës i tyre.
“Përmes programit qeverisës kemi zhvilluar projekte të shumta të restaurimit, ndërsa funksionalizimi i aseteve të trashëgimisë kulturore është hapi ynë i radhës. Po sigurohemi që pasuria jonë kulturore përkthehet në mirëqenie për qytetarët tanë. Monumentet arkitektonike e arkeologjike e fitojnë kuptimin e plotë me ngjarje të pasura kulturore”, ka shkruar Kurti në Facebook.
Kurti ka thënë se është i pamohueshëm kontributi i Festivalit të filmit dokumentar “Dokufest”.
“E kur jemi te sukseset e skenës kulturore, i pamohueshëm është kontributi i Festivalit të filmit dokumentar “Dokufest”. Me përfaqësuesit e festivalit diskutuam rreth edicionit të sivjetëm, i cili mbështetet nga Qeveria me 100 mijë euro. Vetëm në thirrjen e fundit kemi ndarë rreth 3.5 milionë euro për organizata të kulturës dhe artistë të pavarur”.
Kreu i ekzekutivit tha se janë duke ofruar mbështetje të shumëfishuar institucionale për skenën e pavarur kulturore dhe partneritet strategjik për zhvillimin kulturor në vend.
“E kur jemi te sukseset e skenës kulturore, i pamohueshëm është kontributi i Festivalit të filmit dokumentar “Dokufest”. Me përfaqësuesit e festivalit diskutuam rreth edicionit të sivjetëm, i cili mbështetet nga Qeveria me 100 mijë euro. Vetëm në thirrjen e fundit kemi ndarë rreth 3.5 milionë euro për organizata të kulturës dhe artistë të pavarur”, ka shkruar mes tjerash kryeministri./teve1.info/
