Kurti në konferencën për media ka thënë se faturimi i energjisë elektrike në veri nuk ka alternativë dhe sipas tij, çdo cent i dhënë për rrymë atje do të regjistrohet si borxh, raporton Teve1.info
“Ne e kemi trashëguar një gjendje të rëndë ku nuk ka pasur faturim të energjisë elektrike në veri të lumit Ibër. Nuk ka alternativ faturimi dhe çdo cent i dhënë për veri do të regjistrohet si borxh. Ne nuk jemi duke i falur parat por ne jemi duke e shpëtuar situatën. Në njërën është aspekti ynë humanitar që ne nuk dëshirojmë që komplet një rajon të tërë ta shkëpusim nga rrjeti energjetik dhe së dyti nuk dëshirojmë që të krijojmë pretekste që rrejti energjetik i fqinjit tonë verior që nuk na njeh të zgjerohet në Kosovë në emër të humanitetit të tyre”, tha ai.
Sipas tij, marrëveshja për faturim është e domosdoshme, por sipas tij një gjë e tillë është e qartë se pafundësisht nuk mund të vazhdohet me subvencionimin e energjisë në veri të vendit.
“Ne jemi treguar konstruktiv dhe jemi fare pranë arritjes së asaj marrëveshje. Një gjë është e qartë, pafundësisht nuk mund të vazhdojmë me këtë lloj subvencionimi. Ky subvencionim është borxh, por edhe ky borxh nuk do të mund të vazhdojë pafundësisht. Do të ketë një datë kur nuk është e mundshme të vazhdojmë”, tha më tej shefi i ekzekutivit. /teve1.info/
