Kryeministri i vendit, Albin Kurti, ka bërë homazhe te varret e tre veprimtarëve të angazhuar për lirinë e Kosovës, Hyzri Talla, Afrim Maliqi dhe Ilir Durmishi, me rastin e 25-vjetorit të vrasjes së tyre.
Gjatë homazheve, Kurti ka thënë se këta tre dëshmorë, u vranë teksa po e shtronin rrugën e lirisë së Kosovës.
“Për t’i kujtuar këta tre dëshmorë që 25 vite më parë u vranë teksa po e shtronin rrugën e lirisë së Kosovës dhe njëkohshëm po ecnin nëpër të, sot bëmë homazhe në vendin e rënies së tyre, në lagjen Bregu i Diellit në Prishtinë”, tha kryeministri.
Gjatë homazheve, Kurti gjithashtu ka takuar familjarë dhe bashkëluftëtarë të Hyzriut, Afrimit dhe Ilirit, që me krenari kujtonin dhe nderonin veprën e tyre./teve1.info/.