Kryeministri i Kosovës, Albin Kurti, sot ka bërë homazhe te arkivoli i të ndjerit, Ismail Kadare, në ceremoninë shtetërore të Lamtumirës që u mbajt në Teatrin Kombëtar të Operas, Baletit dhe Ansamblit Popullor në Tiranë.
Kurti, ishte i shoqëruar nga ministrja e Punëve të Jashtme dhe Diasporës, Donika Gërvalla-Schëarz dhe zëvendëskryeministrja, Emilija Rexhepi, bashkë me ministra dhe zëvendësministra të kabinetit qeveritar.
Sipas komunikatës së Zyrës së Kryeministrit, Kurti në librin e zisë, ka shkruar se romanet dhe poezitë e Ismail Kadaresë u bënë dije dhe vetëdije për Kosovën.
“Pikëllimi është i thellë sepse admirimi është i lartë. Historia (me gjithë mitet), politika (me gjithë intrigat), gjuha (me gjithë bukurinë) me romanet dhe poezitë e Ismail Kadaresë u bënë dije dhe vetëdije për popullin tonë. Lum ne që e patëm, kaq shumë. Vepra e tij do të rrojë gjatë, jo vetëm për ne”, thuhet në komunikatë./teve1.info/
