Kryeministri i vendit, Albin Kurti, ka thënë se armët dhe pajisjet e përdorura gjatë sulmit terrorist në Banjskë të Zveçanit, janë të prodhuara nga prodhuesit shtetërorë serbë të armëve ushtarake.
“Ideja se mjetet e blinduara ushtarake dhe një arsenal i madh i prodhuar nga shteti serb hynë në Kosovë, të gjitha pa përfshirjen e qeverisë serbe, thjeshtë nuk është e besueshme”, ka shkruar Kurti në “X”.
Kurti, përmes disa fotografive të publikuara tha se anti-tanku i përdorur nga grupi terrorist është prodhim serb, i prodhuar në fabrikën shtetërore “Sloboda” në Serbi.
Ndërsa, për sa i përket mitralozit “Zastava”, Kurti tha se i njëjti është i prodhuar në fabrikën shtetërore serbe të armëve “Zastava Arms” në Kragujevc.
“Zasatava M70”, një variant i kallashnikovit AK47 dhe “Zastava M76 (sniper), po ashtu, sipas Kurtit janë prodhuar në fabrikën shtetërore serbe të armëve “Zastava Arms” në Kragujevc.
The weapons & other equipment used in this week’s terrorist attacks were made by Serbian state-owned military arms producers. The idea that 26 military SUVs & a vast Serbian state-produced arsenal entered Kosova, all without the Serbian govt’s involvement, is simply not credible. pic.twitter.com/TRt2lR4gkF
— Albin Kurti (@albinkurti) September 28, 2023
