Kurti në Facebook ka theksuar se Kosova është vendi më demokratik në Ballkanin Perëndimor.
“Kosova është vendi më demokratik në Ballkanin Perëndimor, ku të drejtat dhe liritë e njeriut janë të garantuara me Kushtetutë dhe ligj. Liria e shprehjes dhe medies çdo herë e më shumë po shënon përmirësim. Luftimi i korrupsionit është i pakompromis. Reforma në sundimin e ligjit prioritet”, ka shkruar Kurti.
Tutje ai tha se anëtarësimi i Kosovës në Keshillin e Evropës i ofron Kosovës mundësi për përparim në fushën e të drejtave të njeriut e demokracisë.
“Anëtarësimi në Këshillin e Evropës është vlerë e shtuar për Këshillin dhe mundësi për Kosovën që të përparojë edhe më shumë në fushën e të drejtave të njeriut, demokracisë dhe sundimit të ligjit”, ka shtuar ai”.
Në mbledhjen e sotme të Qeverisë u miratua nisma për anëtarësimin e Kosovës në Këshillin e Evropës. /teve1.info/.
