Real Madridi dhe Barcelona mund të përballen në finalen e Kupës së Spanjës, pasi kanë evituar njëra tjetrën në fazën gjysmëfinale të kësaj gare.
Shorti për çiftet gjysmëfinale është tërhequr të mërkurën, ku është caktuar që Barcelona të ndeshet me Atleticon Madridin derisa Real Madridi me Real Sociedadin.
Finalisti i Kupës së Spanjës do të përcaktohet pas dy ndeshjeve në gjysmëfinale, ku Barcelona është vendase dhe Reali mysafir në përballjet e para.
Barcelona – Atletico Madrid do të luhet më datën 26 shkurt sikurse edhe dueli Real Sociedad – Real Madrid, ndërsa ndeshjet e kthimit janë në program më datën 2 prill.
Finalja e Kupës së Spanjës, në të cilën mund të takohen Barcelona me Real Madridin, do të luhet më datën 26 prill në stadiumin “La Cartuja” të Sevillas.
