Njohësi i marrëdhënieve ndërkombëtare dhe sigurisë, Ilir Kulla ka thënë se nuk është i habitur me kërkesës e Prokurorisë Speciale në Hagë për dënimin me nga 45 vjet burgim për secilin nga ish-krerët e UÇK-së.
Kulla ka thënë se kjo gjykatë është nisur me padrejtësi, ka vazhduar dhe sipas tij mund të përfundojë me padrejtësi.
Ai në emisionin “Matrix” ka thënë se kjo vjen si pasoje e lobimit të Serbisë dhe Rusisë për themelimin e kësaj gjykate.
“Kjo padrejtësi gjeneron nga krijimi i një procesi të stisur që në themelet e saj e shpjeguar nga Carla del Ponte nga vjen, nga Serbia dhe Rusia. Dhe këtu na u tha dhe na u shit që është presion që na vjen nga Perëndimi dhe Amerika. Në fakt kjo është stisur nga Serbia dhe Rusia”, ka thënë Kulla.
Ai poashtu ka kritikuar edhe qasjen e klasës politike në atë kohë.
“Kjo është pasojë e sjelljes fëmijërore të klasës politike të Kosovës, 10 vjet më parë kur miratuan Gjykatën Speciale. Kjo GJykatë, kjo Prokurori nuk do të ishte ngritur në qoftë se këta burra bashkë dhe disa të tjerë që janë jashtë dhe gjithë opinionin publik 10 vjet më parë nuk do të bënin trysni për themelimin e kësaj Gjykata”, ka thënë Kulla.
