Analisti, Ilri Kulla duke komentuar rezultatin e raundit të dytë të zgjedhjeve lokale në Kosovë ka thënë se harta politike pas zgjedhjeve është interesante në Kosovë.
Ai ka thënë se LVV ka arritur fitojë në 7 komuna që nuk kishte ndodhur më parë, ndërsa ka thënë se më interesantja ka qenë Mitrovica e Jugut.
Kjo sipas tij ka ndodh sepse kjo komunë ka qenë betejë politike dhe personale e Kurtit.
“Harta është shumë interesante, në rrafshin e Dukagjinin kemi AAK-në, kemi LDK-në të shpërndarë në territore dhe në Prishtinë ku historikisht ka qenë më e fortë. LVV që për herë të parë në 7 komuna, për mua më interesantet janë Fushë – Kosova që ka qenë tradicionalisht me LDK-në dhe Kamenica. Mitrovica ishte shumë e rëndësishme, sepse ka qenë betejë politike dhe personale e kryeministrit. PDK konfirmohet në Drenicë dhe në pjesën e saj historike, kishte Prizrenin konfirmohet, por edhe Drenasi është PDK. Në qoftë se PDK nuk do të bënte gabim të ndërronte kandidat do të fitonte”, ka thënë Kulla në emisionin “MATRIX” në Tëvë1.
