Ilir Kulla, analist i njohur nga Shqipëria, që njeh mirë zhvillimet në trojet shqiptare, ka kritikuar Partinë Demokratike të Kosovës për mosrikandidimin e Ramiz Lladorovcit për kryetar të Drenasit.
Kulla përmes një postimi në Facebook, ku ka thënë se e njeh mirë Lladorcin dhe aktivitetin e tij si luftëtar por edhe si politikan, ka shprehur habinë me vendimin e PDK-së.
“E njoh Ramiz Lladrovci-n prej te paktën 27 vjetësh. Ja njoh historinë e Tij dhe te Familjes, ja njoh burrërinë, sakrificat, meritat dhe gabimet. E kam parë si luftëtar, si diplomat, si politikan, si Shef Kabineti te Kryeministrit dhe si Kryetar ! Ndaj nuk e kuptoj sesi mundet PDK të ndërrojë një nga të paktët kandidatë të fortë, me eksperience dhe kontribut para zgjedhjeve duke rrezikuar humbjen e një qyteti bastion. Mos u ankoni nëse fiton VV atëherë”, ka shkruar Kulla.
PDK ka vendosur që në vend të Lladorvcit për Drenasin të garojnë më Petrit Hajdarin.
Pas këtij vendimi të PDK-së ka reaguar edhe Lladorovci duke lënë mundësinë e hapur se do të kandidojë përsëri për kryetar të kësaj komune./teve1.info/
