lir Kulla, ekspert i çështjeve të sigurisë, në emisionin “Matrix” në Tëvë1 së bashku me Mehmet Kalisi, ka analizuar dhjetë ditët e para të konfliktit midis SHBA-së dhe Iranit dhe pasojat e mundshme për tregjet globale.
“Në këtë 10 ditë kemi një konflikt të mirëfilltë rajonal, sepse jemi akoma në fazën e nxemjes. Palët kanë përdorur armatimet që i kishin në magazina dhe depozita prej vitesh dhe akoma nuk kanë përdorur kapacitetin maksimal. Amerikanët kanë dërguar disa ERF-35 për të kontrolluar Iranin, por kjo nuk mjafton; kanë përdorur edhe B1 dhe B2 në disa goditje”, tha Kulla.
Ai paralajmëroi se nëse situata vazhdon, kjo mund të shndërrohet në një luftë globale ekonomike.
“Duke qenë se Kuvajti, Katari dhe Arabia Saudite kanë paralajmëruar se nëse nuk mund të tregtojnë naftën që kanë, do të reduktojnë prodhimin dhe disa puse do t’i mbyllin, kjo rrit kostot dhe çmimet e naftës. Në mënyrë strategjike, përfituesit e rritjes së çmimeve janë vetë ata, ndërsa Irani po përpiqet të bëjë të njëjtën lojë që Rusia ka bërë në Ukrainë. Cmimi i naftës ka arritur 120 dollarë për fuçi dhe pritet të rritet edhe më tej, gjë që përbën një sfidë tjetër”, shtoi Kulla.
Ai theksoi se në Gjirin Persik ndodhen rreth 3,000 anije dhe nëse nuk ka garanci nga Irani për kalimin e ngushticave, konflikti nuk do të jetë vetëm politik, por do të përfshijë edhe karakterin ekonomik global.
