Për herë të parë brenda dy javësh, Rusia dhe Ukraina do të zhvillojnë sot një rund të ri bisedimesh për paqe në Stamboll.
“Unë këshilloj këdo që shkon për negociata me Federatën Ruse të mos hajë apo pijë asgjë. Dhe, mundësisht, shmangni prekjen e çdo sipërfaqeje”, ka thënë Kuleba.
Ky paralajmërim erdhi pasi rusi Roman Abramovich dyshohet se u helmua gjatë ndërmjetësimit për bisedimet Ukrainë-Rusi.
Zëdhënësi i Abramovich ka konfirmuar se oligarku rus dyshohet se ishte helmuar në fillim të muajit, por se tash është shëruar.
