Autore: Jona Kelmendi
Pamja e varrezave të Gllanasellës të Drenasit mban të gdhendur kujtimin e një dashurie dhe sakrifice të përjetshme.
Krahas njëri-tjetrit prehen Fehmi e Xhevë Lladrovci, çifti heroik që u bë simbol i lirisë dhe dashurisë që nuk u thye as para vdekjes.
Fehmi Lladrocci ishte komandant i Ushtrisë Çlirimtare të Kosovës, ndërsa bashkëshortja e tyre ndër luftëtarët e para të UÇK-së.
Të dy lanë gjurmë të mëdha në lirinë e Kosovës.
Çifti ra heroikisht më 22 shtator të vitit 1998, në një betejë të vështirë e të pabarabartë me forcat serbe, pas një qëndrese heroike të Fehmiut, Xhevës dhe luftëtarëve tjerë të UÇK-së në fortesat e ngritura në Çiçavicë.
Bashkë më ta ra edhe studentja Fatime Hetemi, i riu Shefqet Zeka nga Prishtina dhe luftëtarë të tjerë.
Këtë të hënë, në nder të 27-vjetorit të rënies së tyre, u bënë homazhe nga familjarë, bashkëluftëtarë dhe qytetarë.
Me dhimbje në zemër për humbjen e tyre por me shumë krenari për veprën e tyre, e kujton çiftin Lladrovci, vëllau i Xhevës, Selimi Krasniqi.
“Është një ditë mjaft e dhimbshme për neve por edhe mjaftë krenare për shkak se qysh kur kan hy Fehmiu edhe Xheva në luftë ne e kemi ditë që ata nuk tërhiqen nga betejat literalisht kanë marrë pjese në gjitha betejat në gjitha aksionet deri në atë moment por edhe në atë moment nuk kanë pranu të tërhiqen edhe pasi që është vra Fehmiu Xheva nuk ka pranu të tërhiqet realisht ka bo luftë edhe dy orë të paktën deri në rënien e saj heroike bashkë me Fehmiun, Fatimen edhe Shefqet Zeken edhe bashkëluftëtarë të tjerë”, thotw Selim Krasniqi, vëllai i Xheves.
Edhe vëllai i Fatime Hetemit kujtoi me krenari sakrificën e saj si gruaja e parë e rënë për liri.
“Fatimen e kujtojmë ashtu qysh është kon një qikë patrika një qik shumë e mirë e zoja e re ka qenë 20 vjeqare kur u kyq në luften e UÇK bashkë me vllazni sot po bohen 27 nga rënia e tyre heroike dhe emocionet janë gjithmonë sa herë vinë përvjetorat e tyre emocionet janë shumë të mëdha.
Mes të pranishmëve për të nderuar sakrificën e Fehmi e Xhevë Lladrovcit ishte edhe Bekim Jashari, djali i heroit Hamzë Jashari i cili tha se kujtimi për ta mbetet i gjallë”, shprehet Driton Hetemi, vëllai i Fatimes.
“Falë gjakut të tyre ne sot jemi gjallë se vitet po kalojnë po pesha edhe vlera e këtij vendi shkon duke u rrit, unë kom pas fatin që të njihem të bashkëbisedojë të ha me ta, lus Zotin që ne te kemi mendje të shnosh ta duam njëri tjetrin e mos të harrojmë asnjëherë sa ka vuajt ky popull për këtë ditë të sotit pavarësisht politikave ditorë ne nuk do të harrojmë çfarë kemi vuajt për të arrit tek kjo ditë”, u shpreh Jashari.
Fehmi Lladrovci ishte komandant i Brigadës 114 të UÇK-së, të Zonës Operative të Drenicës.
