Kuçi në emisionin “Info Nata” në Tëvë1, tha se Policia e Kosovës po instrumentalizohet nga Qeveria.
“Nëse duam ne me mbajt veriun si fushatë politike dhe për dy, tre parë zgjedhje, kur ti në kohë zgjedhje e shikon Njësinë Speciale dhe arreston dy – tre ndërmarrës atje dhe thua e shtriva sovranitetin tim në veri, ky është mashtrim, ky është populizëm, këtë nuk e kanë bërë as qeveritë paraprake. Ata e kanë keqpërdor në mënyrën e vet konfliktin Kosovë- Serbi, e kanë keqpërdor për fushatë, mirëpo tash po bëhet më keq sepse tash po instrumentalizohet policia jonë. Policia jonë vihet në shërbim të një qeverie populiste e cila tenton ta përdor konfliktin Kosovë- Serbi për fushatë elektorale”, tha ajo.
Kuçi pyet Qeverinë se çfarë e ndërroi realitetin në veri me ndalimin e zgjedhjeve serbe në Kosovë.
“E ne çka po themi është se s’po na intereson a i ndalove zgjedhjet apo jo, trego çka e ndërroi kjo realitetin në veri. A ua ndërroi jetën në veri, Kosovë? A e zgjedhje konfliktin Kosovë- Serbi, jo asgjë nuk ke bë. A je më afër një marrëveshje finale mas këtij veprimi? As nuk je më afër, je më larg sepse tash Vuçiqi këtë e përdor si kundërshtim i Qeverisë Kurti për të lejuar votimin e serbëve në Kosovë në ndërkohë që nuk ka bërë asgjë nuk ka dhënë shpjegim”, tha ajo. /teve1.info/
