Sipas saj, KFOR-i nuk do të ketë interesim ta mbrojë integritetin territorial të Kosovës, nëse vendi vazhdon të sillet sikur nuk i duhen këshillat e SHBA-së e as të Evropës.
“Propozimi i PSD-së është që dialogu duhet të kryhet, marrëveshja përfundimtare me Serbinë është e rëndësishme. Këtë na e dëshmoi edhe sot situata e sotme në veri. Status-quoja nuk na shërben… nëse ne vazhdojmë sjelljen politike sikurse ne jemi aq të pavarur dhe i kemi të zgjedhura të gjitha problemet dhe nuk na duhen këshillat e SHBA-së, as të Evropës, atëherë sigurisht se edhe KFOR-i nuk ka interesim me ta mbrojt integritetin territorial dhe nuk ka interesim pafundësisht me qëndru në një vend që ka konflikt të hapur”, u shpreh ajo në “Info nata” në Tëvë 1.
Kuçi theksoi se në dialog më Serbinë, Kosova asnjëherë nuk shkon me një propozim direkt se çfarë do, por vendos pengesa dhe duket para botës sikur është pala që po pengon. /Teve1.info/
