E çfarë mund të ndodh pas takimit të nesërm nëse ka pajtueshmëri për të ecur përpara për liberalizimin e vizave për kosovarët, tregon ish-zëvendësministri i Integrimeve Evropiane, Taulant Kryeziu.
Përmes një postimi në Facebook, Kryeziu ka folur për pikat, ku si pikë e parë është miratimi i pozicionit negociues në Këshill e deri te pika e 7 për hyrje në fuqi.
“Çfarë do të ndodhë pas takimit të nesërm (nëse ka pajtueshmëri për të ecur tutje) të Grupit Punues për #Vizat; 1. Këshilli: Miratimi i pozicionit negociues në Këshill;
2. KE/PE/KBE/: Pajtim në mes të Këshillit dhe PE, Trialogue (Trialogjet janë takime joformale trepalëshe për propozimet legjislative midis përfaqësuesve të Parlamentit, Këshillit dhe Komisionit. Qëllimi i tyre është të arrijnë një marrëveshje të përkohshme për një tekst të pranueshëm për të dy ,Këshillin dhe Parlamentin);
3. Parlamenti Evropian: Votimi në Seancë Plenare të Parlamentit Evropian( në lexim te parë me shumicë te thjesht,ne lexim të dytë me shumicë absolute);
4. Këshilli: Miratimi nga Ambasadorët COREPER II;
5. Këshilli : Miratimi nga Këshilli i Ministrave me shumicë te kualifikuar apo ajo që quhet shumicë e dyfishtë 55% te vendeve anëtare, që përfaqëson të paktën 65% te popullsisë se BE-së;
6. Ceremonia e nënshkrimit;
7. Publikimi në Gazetën Zyrtare të BE-së;
8. Hyrja në fuqi”, ka shkruar ai në një postim në Facebook. /teve1.info/
