Sipas Kryeziut, ata kanë ardhur fal angazhimit të ambasadorit të Kosovës në Gjermani, Faruk Ajeti.
“Një prej defekteve kryesore në tërheqjen e investimeve është edhe imazhi jo fort i mirë i Kosovës tek investitorët. Prandaj është shumë e rëndësishme që të bisedohet me ta, që të ketë kontakte me ta, që të ketë vizita të tyre në Kosovë siç ndodhi në fund të muajit maj ku me organizimin e ambasadorit tonë në Gjermani, zotit Ajeti, 52 investitorë potencial erdhën për herë të parë në Kosovës dhe e kanë njohur Kosovën nga dora e parë, jo nga ajo se çfarë i servohet për Kosovën”, tha ai.
Në emisionin “Këndi i Debatit”, zëdhënësi i Qeverisë tha se është shumë e rëndësishme kur garantues i investimit është kreu i shtetit pasi që, sipas tij, kjo e bënë që të ketë garancë më të madhe.
“Kryeministri konsideron që është shumë e rëndësishme që përveç se t’i takojë investitorët e ta prezantojë Kosovën me ndryshimet që kanë ndodhur, të jetë ai që e bënë duke iu ofruar atyre një garancë më të madhe për investime në Kosovë. Është shumë e rëndësishme kur garantuesi i investimit është kreu i shtetit”, shtoi tutje Kryeziu. /Teve1.info/
