Kryetari i Komunës së Zveçanit Ilir Peci, në konferencë për medie pas betimit, ka thënë se do të punojë për të gjithë qytetarët pa dallim.
Peci deklaroi se detyrën e tij do ta ushtrojë nga zyra e komuniteteve në Lipë, teksa theksoi se Qeveria e Kosovës do të vendos se kur do të kthehen në objektin komunal.
“Unë posa e mora postin e kryetarit, ju njoftoj se do të punoj për të gjithë dhe do të punoj barabartë për të gjithë qytetarët e Zveçanit. Për momentin e kemi zyrën e komuniteteve në fshatin Lipë. Kjo nuk është çështje që varet prej meje se kur do të kthehemi në objektin komunal. Është Qeveria e Republikës së Kosovës është ajo që vendos. Jemi në bisedime”, tha ai.
Ndryshe Peci gjatë betimit të tij në Zveçan tha se do të t’i ushtrojë kompetencat si kryetar komune me nderë, besnikëri dhe në mënyrë të paanshme, duke i’u siguruar qytetarëve kushte për një jetë të qetë në Zveçan./teve1.info./