Punëtorët e Korporatës Energjetike të Kosovës (KEK) kanë dalur sot në një protestë paqësore para zyrave të korporatës në Prishtinë, duke kërkuar rritje të pagave, nivelizimin e pagave të sigurimit fizik dhe zbatimin e pagës së 13-të.
Ata shprehën pakënaqësinë për mosrespektimin e ligjit të punës dhe për keqpërdorimin e ndjersës së tyre, ndërsa paralajmëruan se nuk do të ndalen derisa kërkesat e tyre të pranohen.
Disa nga thirrjet më të shpeshta të punëtorëve ishin: “Punëtorët e rrezikuar në punë, por rrezikshmëria nuk paguhet”, “Duam ngritjen e pagave, dhe ne duam jetën” dhe “Menaxhimet respekto ligjin e punës, paguaj vikendet për punëtorët me ndërrime”.
Kryetari i Sindikatës së Re KEK, Nexhat Lumnica, në emër të punëtorëve, theksoi rëndësinë e tyre për zhvillimin ekonomik të vendit dhe u shpreh për frustrimin e tyre lidhur me pagën e 13-të:
“Kush më shumë se na meriton pagën e 13-të. Derisa kërkesa për rritje pagash është e kamotshme, paga nuk është rrit. Sot e shprehim pakënaqësinë në këtë formë, por kaq të qetë nuk do të jemi herë të tjera. Tek e fundit kompania nuk është këtyre këtu, por e punëtorëve të KEK-ut dhe gjithë Kosovës. Derisa ne jemi drita e Kosovës, jemi aseti kryesor i Kosovës për shkak se pa neve nuk ka zhvillim ekonomik, ska buxhet 3-4 miliardë euro… ndjersa jonë po keqpërdoret.”
