Ekrem Kastrati, kryetari i Komunës së Malishevës, ka shprehur ngushëllime për vdekjen e dy vëllezërve të familjes Morina nga fshati Gollubovc, Naimit dhe Drionit.
Në një njoftim të lëshuar nga Komuna, thuhet se kjo ngjarje e rëndë ka tronditur komunitetin:
“Jemi pranë jush me dhembje dhe solidaritet në këtë moment të vështirë. Urojmë që të gjeni forcën për të përballuar këtë humbje të pazëvendësueshme,” – thuhet në njoftim.
Komuna dhe kryetari Kastrati kanë kërkuar nga organet e rendit dhe drejtësisë që të zbardhin sa më shpejt rrethanat e tragjedisë dhe që autorët të përballen me ligjin.
Në orët e hershme të mëngjesit të sotëm, Policia e Kosovës ka arritur të arrestojë të dyshuarin, i dyshuari për vrasjen e dyfishtë të ndodhur të enjten në Gollubovc.
Sipas konfimrimit nga Policia, rreth orës 06:30, i dyshuari është kapur nga zyrtarët policorë derisa përpiqej të fshihej.
I njëjti ishte i lënduar dhe pas arrestimit u dërgua fillimisht në Qendrën Kryesore të Mjekësisë Familjare në Malishevë për ndihmë të parë, ndërsa më pas u transferua në Qendrën Klinike Universitare të Kosovës (QKUK) për trajtim më të specializuar.
Drejtori i Klinikës së Emergjencës, Naser Syla, konfirmoi për Tëvë1 ku tha se:
“Gjendja shëndetësore e Isufit paraqitet stabile dhe po kryhen të gjitha ekzaminimet e nevojshme.”
Policia dhe Prokuroria vazhdojnë hetimet për të sqaruar të gjitha rrethanat e ngjarjes tragjike.
