Kryetari i sapozgjedhur i Komunës së Leposaviqit, Lulzim Hetemi, ka kërkuar që të filloj faturimi dhe pagesa e rregullt e rrymës së shpenzuar në institucionet e kësaj komune, raporton teve1.info
Përmes një shkrimi në Facebook, Hetemi ka thënë së me një kërkesë të tillë iu ka drejtuar institucioneve përkatëse: KOSTT dhe ZRRE.
“Sot ju drejtova KOSTT dhe ZRRE për të kyçur institucionet tona publike komunale në mënyrë që të fillojë pagesa e rregullt e energjisë elektrike.
Po ashtu autoritet duhet të na njoftojnë me borxhin e grumbulluar të rrymës së shpenzuar në mënyrë që t’i shlyejmë ato detyrime”, ka shkruar ai në Facebook.