Kryetari i Bordit të Komisionit të Pavarur të Mediave, Jeton Mehmeti, ka thënë mesazhet e publikuara në kanalet serbe në platformat e Kosovës kanë cenuar sigurinë e përgjithshme dhe kanë dëmtuar interesin nacional.
Kryetari i KPM-së ka thënë se shfuqizimi i vendimit ishte marrë pas katër muajsh pasi kanë pasur edhe një letër nga “Arena”, raporton “Betimi për Drejtësi”.
Mehmeti ka treguar se “Arena” ka garantuar se nuk do të ketë më mesazhe politike dhe se do të zbatohen rregulloret e KPM-së.
“Në fund jemi ballafaquar me kërkesa direkte nga “Arena”, me lutjen aman rishqyrtojeni vendimin se po cenohet e drejta e një komuniteti të caktuar nga ngjarjes sportive. Kemi mekanizma të ri që garantojnë se mesazhe të tilla politike në kanalet sportive kurrë më nuk do të përsëriten. Jep siguri se në plotni respektohen Rregulloret e KPM-së. Kjo letër i është dërguar edhe ambasadave në Kosovë”, ka thënë Mehmeti.
