Kryesia e Kuvendit të Kosovës ka nisur mbledhjen e parë të Legjislaturës së 11-të, pas konstituimit të Kuvendit dhe vendimit të fundit të Gjykatës Kushtetuese.
Në këtë mbledhje, në rend dite është propozimi për formimin e komisioneve parlamentare, shqyrtimi i raportit për shpenzimet e Kuvendit për vitin 2025, si dhe çështje të tjera nga fushëveprimtaria e Kryesisë.
Në mbledhje, PDK-ja po përfaqësohet nga Arian Tahiri, ndërsa nga LDK-ja është e pranishme Jehona Lushaku-Sadriu nga VV-ja Ardian Gola.
Mbledhja po zhvillohet pas vendimit të Gjykatës Kushtetuese lidhur me konstituimin e Kuvendit. Gjykata ka konstatuar se Kuvendi është konstituuar pas afatit kushtetues.
Kuvendi ishte shpallur i konstituuar më 13 shtator, pas zgjedhjes së nënkryetarëve, ndërsa pozita e nënkryetarit nga radhët e PDK-së kishte mbetur e paplotësuar.
Albulena Haxhiu ishte zgjedhur kryetare e Kuvendit më 9 shtator, me 62 vota për, 16 kundër dhe 13 abstenime.
Sipas vendimit të Gjykatës Kushtetuese, afati për zgjedhjen e presidentit skadon më 6 tetor. Nëse presidenti nuk zgjidhet brenda këtij afati, vendi shkon në zgjedhje.
