Kryeprokurori i Prokurorisë Themelore në Gjakovë, Enis Gashi në një konferencë për media ka deklaruar se nga 18 kryesues dhe 50 komisionerë, janë intervistuar gjithsej 15 kryesues dhe 43 komisionerë.
Gashi ka bërë të ditur se 15 kryesues janë ndaluar për 48 orë, ku brenda afatit ligjor Prokuroria do të vendosë në lidhje me masën e sigurisë.
Ndërsa, për 48 komisionerët e tjerë, kryeprokurori u shpreh se janë në vlerësim e sipër në lidhje me masat eventuale.
Ai ka thënë se hetimi do të vazhdojë tutje edhe për kryesuesit dhe komisionerët e tjerë.
“Prokuroria Themelorë në Gjakovë ka lëshuar autorizim për Policinë e Kosovës respektivisht drejtorinë e nalt në Gjakovë për të marrua veprime konkrete në lidhje me grumbullimin e provave dhe fillimin e procedurës, pasi që kemi vepruar përmes policisë me autorizimin e Prokurorisë, nga 18 kryesues dhe 50 komisionerë janë intervistuar gjithsej 15 kryesues dhe 43 komisionerë, 15 kryesues aktualisht janë të ndaluar për 48 orë dhe brenda afatit ligjor Prokuroria do të vendosë në lidhje me masën e sigurisë, po ashtu për 48 komisionerë të tjerë jemi në vlerësim e sipër në lidhje me ndonjë masë eventuale. Hetimi do të vazhdojë tutje edhe për kryesuesit edhe komisionerët e tjerë të cilët sot për arsye të ndryshme nuk kemi arritur që t’i kemi prezent”, ka deklaruar Gashi./teve1.info/
