Kryetarja e Kuvendit të Kosovës, Albulena Haxhiu, do të zhvillojë të mërkurën një takim zyrtar me ministren e Punëve të Jashtme të Shqipërisë, Elisa Spiropali.
Sipas njoftimit të Kuvendi i Kosovës, takimi do të mbahet në orën 12:00.
Vizita e Spiropalit në Kosovë realizohet në kuadër të një agjende zyrtare, e cila përfshin edhe takime me drejtues të tjerë të lartë institucionalë.
Takimi pritet të fokusohet në forcimin e bashkëpunimit ndërmjet Kosovës dhe Shqipërisë, si dhe në çështje me interes të përbashkët.
