Mesjava e gjitha është e rezervuar për Superligën e Kosovës në futboll.
Në xhiron e 12 pa asnjë dyshim që kryendeshja do të jetë mes Ballkanit dhe Dritës. Qytetit i Suharekës do të jehojë në zhurmë nga derbi, një ndeshje që mund të bëjë edhe diferencimin në renditjen e klasifikimit në Superligë.
Ballkani aktualisht zë vendin e parë me 26 pikë, katër pikë me shume se Drita që ndodhet në vendin e tretë. Ekipi suharekas padyshim që të mërkurën do të kërkojë fitoren për të bërë diferencimin në klasifikim, derisa blutë do mundohen ta shlyejnë gabimin si vendas ndaj Lirisë dhe të shtojnë presionin të skuadra portokallezinjë, në ndeshjen që zhvillohet nga ora 13:00.
Në po të njëjtën orë dhe ditë luhet edhe sfida mes Malishevës dhe Prishtinës. Malisheva në stadiumin “Liman Gegaj” do të luajë ndeshjen e dytë në shtëpi këtë edicion. Nën drejtimin e trajnerit Qëndrim Kida presin ekipin kryeqytetas që drejtohet nga trajneri nigerian Emmanuel Egbo.
Malisheva në ndeshjen e javës së kaluar u ndal në barazim me Fushë Kosovën pa gola në stadiumin “Sami Kelmendi” në Lipjan, derisa këtë dy pikë të humbura do të mundohet ti përmisojë në shtëpi dhe të marrë pikët e plota ndaj Prishtinës. Bardheblutë pas këndelljes në krye me nigerianin Egbo, tani kërkon të vazhdojë ecurinë pozitive, por në stadiumin “Liman Gegaj” në udhëtim.
Të fitorja shpreson të kthehet edhe Gjilani që është nikoqir i Feronikelit ’74 në stadiumin sintetik në Gjilan. Kuqebardhët poashtu edhe ekipi nga Drenasi kanë pikë të barabarta në renditjen klasifikuese dhe opsion i të dy skuadrave do të mundohen të bëjnë diferencim në tabelë.
Ndërsa të enjtën përmbyllet xhiroja e 12 me dy ndeshje. Llapi pas pikës së marrë në Klinë ndaj Dukagjinit, tani ka për synim të kap tre pikë në shtëpi ndaj skuadrës së Fushë Kosovës që zë vendin e fundit në tabelë.
Aspirata për fitore ka edhe Dukagjini në udhëtim, jeshilët në Prizren do të jenë mysafir te Lirisë, e cila ndali hovin e Dritës dhe për ekpin prizenas pika e marrë në Gjilan do të shihet si pikëkthesë për ndeshjet që ka në orar.
Një gjë do të pritet që mesjava do të sjellë ndryshime në Superligë dhe pritet të bëjë diferencim mes skuadrave në krye, mes dhe fundin e tabelës. Të gjitha këto ndeshje do të zhvillohen nga ora 13:00.