Lejen për vizitën e saj e ka dhënë Ministria e Punëve të Jashtme të Kosovës.
“Dhënia e lejes për vizitë bazohet në marrëveshjen lidhur me vizitat e ndërsjella të përfaqësuesve politikë mes Republikës së Kosovës dhe Serbisë”, kanë thënë nga ministria.
Sipas njoftimit që e ka bërë e ashtuquajtura Zyra për Kosovën në Qeverinë e Serbisë, Bërnabiq do të realizojë një vizitë njëditore në komunat veriore të Kosovës, përkatësisht në Mitrovicën e Veriut, Zveçan dhe Leposaviq.
Sipas këtij njoftimi, në vizitë do të jetë edhe Petar Petkoviq, drejtor i kësaj zyreje.
“Kryeministrja do vizitojë qendrën e parë multimediale në veri të Kosovës. Pas kësaj ajo do të bëjë një vizitë te Manastiri i Banjskës në Komunën e Zveçanit”, thuhet në njoftim.
Zyra për Kosovën në Qeverinë e Serbisë tha se vizita e Bërnabiqit ishte lajmëruar të enjten, 72 orë para vizitës “sipas marrëveshjes për vizita zyrtare”./KP/
