Golob i ka quajtur të gjithë raportimet trillime të pastërta, përcjell teve1.info
Sipas tij, kjo është nisur nga partia SDS dhe se ambasadori Berishaj është mik personal i Janez Janshas, kryetarit të SDS.
“A e dini se kush e nisi këtë. Këtë e ka nisur partia SDS para zgjedhjeve tona. Në atë kohë ata thanë se më financuan mua dhe fushatën time. Por më pas zbuluam se ky z.Berishaj, meqë ra fjala është ambasador në Zagreb, është mik personal i Janez Jansha dhe në atë moment, gjëja nga Sllovenia u zhduk. Tani u ringjall, me sa duket në Kosovë, ndoshta nga miqtë, armiqtë, nuk e kam idenë”, është shprehur ai në një televizion slloven.
Në mediat sllovene është raportuar se ambasadori Berishaj ishte përfshirë në afera pastrimi parash.
Sipas raportimeve, një kompanie të tij në Mal të Zi i janë bartur afro 600 mijë euro nga dega e kompanisë GEN në Beograd, e më pas ato i janë dhënë kesh politikanit slloven Robert Golob. Ambasadori Berishaj i ka mohuar të gjitha këto. /Teve1.info/
