Gjatë një paneli në Forumin Ekonomik Botëror në Davos, ai tha se Sllovakia do të jetë në radhë për luftë.
“Nëse Ukraina dështon, Sllovakia është e radhës. Ukraina duhet të fitojë”, ka thënë Heger.
Ndërkaq, ai kritikoi edhe anëtarët e Bashkimit Evropian për varësi të madhe ndaj energjisë së Rusisë.
“Ne shkëmbyem vlerat tona për gaz dhe naftë të lirë për një kohë të gjatë. Kompromisi me Putinin shkaktoi një luftë në Ukrainë. Një luftë agresive, njerëzit po vdesin”, shtoi ai.
Heger i bëri kërkesë bllokut t’i përkushtohen më shumë Ukrainës dhe Ballkanit Perëndimor, sepse duhet të krijohen “rregulla në mënyrë që të mund të anëtarësohen në BE”.
Ukraina në vitet e fundit ka thelluar lidhjet ekonomike dhe politike me BE-në dhe ka shprehur dëshirën që t’i bashkohet BE-së.
