Gjatë këtij takimi, Støre i ka thënë Kurtit se çështjet e pazgjidhura që datojnë nga vitet 1990 mund t’i vënë sërish flakën rajonit.
“Ne nuk mund ta marrim si të mirëqenë stabilitetin në Ballkanin Perëndimor. Çështjet e pazgjidhura që datojnë nga vitet 1990 mund t’i vënë sërish flakën rajonit. Kjo mund të zgjidhet vetëm përmes dialogut të udhëhequr nga BE-ja ndërmjet Kosovës dhe Serbisë. Marrëveshjet ekzistuese duhet të zbatohen dhe të dyja palët duhet të përmbahen nga veprimet që ulin besimin mes tyre”, tha ai, shkruan mediumi regjeringen.no, transmeton teve1.info/
Teksa foli për dialogun, kryeministri norvegjez tha se është i zhgënjyer që Kosova nuk po lejon që zgjedhjet serbe të 3 prillit të organizohen në Kosovë.
“Prandaj, shfrytëzova rastin gjatë takimit tonë për të shprehur zhgënjimin tim që Kosova nuk po lejonte që zgjedhjet serbe të 3 prillit të organizoheshin në të njëjtën mënyrë si zgjedhjet e mëparshme”, shtoi ai.
Ndryshe, Kurti është takuar edhe me ministren e Punëve të Jashtme, Anniken Huitfeldt ku janë diskutuar marrëdhëniet mes Norvegjisë dhe Kosovës, situatën e politikës sësigurisë në Evropë dhe dialogun e udhëhequr nga BE-ja./teve1.info/
