Kryeministri i Republikës së Kosovës, Albin Kurti, vizitoi gjatë ditës Panairin e Librit “Prishtina 2024” së bashku me Ministrin e Kulturës, Rinisë dhe Sportit, Hajrulla Çeku, Ministrin e Shëndetësisë, Arben Vitia dhe studentë e aktivistë.
Këtë herë, edicioni i 24-rt i panairit, erdhi nën moton “Përgjigjja është libri” dhe u organizua nga Shoqata e Botuesve të Kosovës, me ndihmën dhe bashkëpunimin nga Ministria e Kulturës, Rinisë dhe Sportit, Komuna e Prishtinës dhe Pallati i Rinisë.
Kryeministri pati mundësinë të shohë nga afër botime të vjetra e të reja të paraqitura përgjatë këtij panairi e ku veçanërisht vlerësoi botuesit dhe autorët vendas.
Dita e fundit e panairit është ajo e nesërmja, ku kryeministri Kurti i ftoi të gjithë qytetarët ta vizitojnë atë përpara mbylljes së të dielës.
