Brenda dy viteve, partitë opozitare disa herë iu drejtuan Gjykatës Kushtetuese.
Për ta kaluar filtrin e saj, u dërguan disa ligje të cilat morën miratimin e shumicës parlamentare.
Ligjet e kontestuara janë Ligji për Byronë Shtetërore për Konfiskimin e Pasurisë së Pajustifikueshme, Ligji për Zyrtarët Publik, Ligji për Këshillin Prokurorial, Ligji për masat e përkohshme të produkteve themelore në raste të veçanta të destabilizimit në treg.
E këto nisma të opozitës, kryeministri Kurti i ka vlerësuar si tentime për t’i penguar reformat.
Dërgimi i ligjeve në Kushtetuese po vlerësohet se është bërë praktikë për partitë opozitare.
Sipas Anton Nrecaj nga Instituti CLARD, kontraditat në ligje duhet të kontestohen qysh në kohën kur ato janë në komisione parlamentare.
Gjykata Kushtetuese nuk ka dhënë detaje në lidhje me ligjet që i ka në shqyrtim.
Sa i përket kohëzgjatjes së vendimmarrjes, ajo nuk është e përcaktuar, por varet nga kompleksiteti i rastit.
Kronika e realizuar nga gazetarja Florijeta Dernjani
