Kryeministri i Holandës, Mark Rutte, është deklaruar lidhur me situatën në veri të Kosovës, pas momentit kur është mirëpritur nga kryeministri i Shqipërisë, Edi Rama, në samitin e Procesit të Berlinit.
Gjatë prononcimit për media, Rutte ka thënë se pret që situata në veri të Kosovës të shtensionohet.
ADVERTISEMENT
Rutte, është deklaruar se mund të ketë mundësi të flas me Kurtin dhe kryeministren e Serbisë, Ana Bërnabiq lidhur me tensionet.
“Tensionet në veriun e Kosovës, natyrisht kërkojmë shumë që të shtensionohet situata. Kemi folur më parë me presidentin Vuçiq. Sot kam mundësi të flas me kryeministren e Serbisë dhe kryeministrin e Kosovës. Shpresojmë që të gjithë të ndihmojnë për të ulur tensionet”, u shpreh Rutte./teve1.info/
