Mevlut Cavusoglu duke folur për fushën e energjetikës tha se kompanitë turke janë të gatshme të investojnë në Kosovë dhe nuk duan garancë të blerjes, shkruan teve1.info.
“Kompanitë tona posaçërisht në energjinë e ripërtërishme në energjinë solare dhe të erës janë të gatshme të investojnë dhe nuk duan garancë të blerjes natyrisht dhe financimin do ta bëjnë vet dhe për një vit do ta kryejmë. Besoj që me investime të tilla kanë interesim firmat e fuqishme në mënyrë që të prodhojnë elektricitet dhe që Kosova të eksportojë rrymë në të ardhmen e shkurtër”, tha ai.
Keyediplomati turk po ashtu paralajmëroi krijimin e një komisioni të përbashkët ekonomik mes Kosovës dhe Turqisë “Dhe duhet t’i mbledhim edhe forumet biznesore dhe t’i takojmë biznesmenët tanë për këtë”, tha ai.
Ndërsa foli edhe për investimet e Turqisë në Kosovë, ai tha se nga to janë krijuar 10 mijë vende të punës.
Po ashtu Mevlut Cavusoglu theksoi se marrëveshja në fushën e aviacionit do të rritë kontaktet mes dy vendeve si dhe numrin e turistëve që do të shkojnë nga Kosova në Turqi si dhe nga Turqia në Kosovë./Teve1.info.
