Konsumatorët e Kompanisë Rajonale të Ujësjellësit “Prishtina” do të kenë mundësi që shërbimet e nevojshme t’i kryejnë edhe gjatë fundjavës.
Kjo pasi KRU “Prishtina” ka vendosur të zgjerojë orarin e punës për Shërbimin për Konsumatorë dhe Arkën Qendrore.
Sipas njoftimit të kompanisë, nga 18 korriku 2026, këto shërbime do të jenë të hapura edhe të shtunave, nga ora 08:00 deri në 16:00.
Ky vendim do të vlejë gjatë muajve korrik dhe gusht, me qëllim që qytetarët të kenë më shumë fleksibilitet për të kryer pagesat, kërkesat dhe obligimet e tyre jashtë orarit të zakonshëm të punës.
KRU “Prishtina” ka bërë thirrje që konsumatorët ta shfrytëzojnë këtë mundësi dhe të drejtohen në pikat përkatëse gjatë orarit të ri të punës në fundjavë.
