Me këto mjete, punëtorët e Kompanisë Rajonale të Ujësjellësit “PRISHTINA” po bëjnë shkyçjen e ujit të një biznesi në kryeqytet.
E shkak i kësaj shkyçje, është borxhi afër 6 mijë euro nga kompania.
Pavarësisht përpjekjeve nga menaxherët përgjegjës, KRU “PRISHTINA” nën përcjellje të inspektoratit dhe Policisë së Kosovës e ndalën ujin.
E fatin e njëjtë si kjo kompani, e pati edhe një kafiteri disa metra larg saj.
Për disa vite, asaj iu kanë grumbulluar mbi 7 mijë e 500 euro borxh ndaj këtij institucioni.
Zëdhënësja e KRU “Prishtina”, Arjeta Mjeku thotë se këto kompani kanë qenë të paralajmëruara edhe më herët për këto shkyçje.
Mirëpo, kishte edhe raste kur bizneset ishin me qira në këto lokale dhe nuk pajtoheshin me këto vendime, pasi sipas tyre borxhi iu takon ish-pronarëve në këto pjesë.
E për të njëjtin problem, zëdhënësja Mjeku tha se ka zero tolerancë, mirëpo theksoi se ka një zgjidhje.
E enjtja është dita e pestë kur po zhvillohen këto aksione nga Kompania Rajonale e Ujësjellësit “Prishtina” dhe e njëjta do të vazhdojë deri më 31 dhjetor të këtij viti.
Kronika e gazetares Fetije Kamberi.