Kompania Rajonale e Ujësjellësit “Prishtina” ka njoftuar se në këtë takim kanë diskutuar sfidat gjatë periudhës së pandemisë , nënshkrimi i kontratave të shërbimit me konsumatorë, nënshkrimi i marrëveshjeve të shërbimit me komunat, zbatimi i procedurave dhe përdorimi i mekanizmave ligjor për lidhjet e paautorizuara në rrjetin publik të ujësjellësit, interpretimi/sqarimi i Vendimit të ARRU-së për pezullimin e ndërprerjeve të shërbimeve të ujësjellësit dhe tema të ndryshme.
Po ashtu Kompania Rajonale e Ujësjellësit “Prishtina”, ka paralajmëruar se do të filloj shkyçjen nga shërbimet e ujësjellësit dhe kanalizimit për të gjitha institucionet dhe bizneset që kanë borxhe, por duke përjashtuar sektorin shtëpiak (i amvisërisë), shkruan teve1.info
Tutje në njoftim është bërë e ditur se nga rrjeti i ujësjellësit do të shkyçen të gjithë ata që keqpërdorin ujin e pijshëm në të gjitha format.
KRU ‘Prishtina” ka bërë me dije se nga java e ardhshme do të filloj identifikimi i lidhjeve të paautorizuara, ngase sipas tyre po rrezikohet furnizimi me ujë të pijshëm, raporton teve1.info
“Kemi rritje të inicimit të rasteve për lidhje të paautorizuara, 10 kallëzime penale vetëm 3 muajt e fundit, të cilat janë procesuar në Prokurorinë e Republikës së Kosovës”, thuhet në njoftimin e KRU “Prishtina”./teve1.info
