Kompania Rajonale e Ujësjellësit “Prishtina” ka njoftuar se sot do ua ndalin shërbimet e ujit të gjithë atyre konsumatorëve të cilat me vite nuk kanë paguar dhe janë të kyçur ilegalisht në sistemin publik të ujësjellësit.
Siç thonë në njoftimin e tyre, sot do të realizohen dy shkyçje të mëdha, përcjell teve1.info
“Besoni ose jo, furnizimi me ujë të pijshëm po rrezikohet gjithnjë e më shumë nga kyçjet e paautorizuara, nga ata konsumatorë që furnizohen me ujë duke shfrytëzuar alternativa ilegale. Andaj, sot e tutje do jemi pa kompromis ndaj atyre që me vjet marrin ujë pa paguar për shërbime të ujit, e aq më keq kur sot kemi blloqe banesore që as nuk janë regjistruar edhe pas dhjetëra vërejtjeve që u kemi bërë. Nga sot 0 tolerime për konsumatorët e kyçur ilegalisht në sistemin publik të ujësjellësit. Sot realizohen dy shkyçje të mëdha. Nuk ka ujë të pijshëm, pa paguar faturat e ujit dhe as për ata që kanë shfrytëzuar alternativa ilegale”, bëhet e ditur në njoftim.
“Nga sot, në akcion të paparë deri më sot”, thuhet tutje. /Teve1.info/
