KRU”Prishtina” ka njoftuar se pasi kërkesa për ujë të pijshëm është rritë jashtëzakonisht shumë, me ç’rast pavarësisht trajtimit të ujit për pije me kapacitet maksimal, uji nuk po arrin në disa pika furnizuese.
Andaj sipas tyre, janë të detyruar të aplikojmë reduktime të ujit në disa zona.
Sipas njoftimit lagjet që do të preken nga ky reduktim janë: Lagjja Qëndresa, lagjja Nic, pjesa e Veternikut kah Rezonanca, lagjja Qershia me reduktim nga ora 16:00-22:00.
“Nëse vazhdon kjo rritje e kërkesës për ujë, reduktime do aplikohen edhe për zona tjera. Kemi potencuar e ritheksuar se reduktime nuk do të ketë vetëm nëse nuk keqpërdoret uji, gjë që sot keqpërdorimi ka arrite kulmin e papërgjegjësisë. Të vetëdijesohemi për përdorim të drejt të ujit”, thuhet në njoftimin e tyre.
