Kompania Rajonale e Ujësjellësit “Prishtina” ka njoftuar se impianti i trajtimit të ujit në Shkabaj ka dalë jashtë funksionit që nga ora 05:00 e mëngjesit, për shkak të turbullirave të larta në kanalin Ibër-Lepenc, të shkaktuara nga punimet që po kryhen aty.
Si pasojë, disa zona janë aktualisht pa ujë: Fushë-Kosova, Drenasi, Obiliqi, një pjesë e lagjes Kalabria në Prishtinë, si dhe pikat e larta të lagjes Arbëria.
Kompania ka paralajmëruar se priten reduktime dhe ndikime edhe në disa pjesë të tjera të kryeqytetit.
Sipas njoftimit, ekipet janë në terren dhe po e monitorojnë situatën vazhdimisht. Furnizimi do të rikthehet sapo të normalizohen parametrat në kanalin furnizues.
KRU “Prishtina” ka kërkuar falje për shqetësimet, duke theksuar se situata ka ndodhur “pa fajin tonë”, pasi kanali Ibër-Lepenc nuk është nën menaxhimin e tyre./teve1.info/
