Kompania Rajonale e Ujësjellësit “Mitrovica” ka njoftuar qytetarët për intervenimet që po kryhen në rrjetin e ujësjellësit dhe kanalizimit, të cilat mund të shkaktojnë ndërprerje të përkohshme të furnizimit me ujë në disa zona.
Punimet në rrjetin e ujësjellësit do të kryhen në rrugët: “Sali Çeku”, “Artim Jashari”, “Bashkimi Kombëtar”, “Mustaf Shyti”, “Adem Voca”, “Sitnica” dhe në lagjen “2 Korriku”.
Ndërsa ndërhyrjet në rrjetin e kanalizimit do të zhvillohen në rrugët: “Faruk Spahia”, “Rifat Tahiri”, si dhe në fshatrat Frashër i Madh dhe Frashër i Vogël.
Ujësjellësi apelon tek banorët për mirëkuptim dhe i kërkon publikut të marrë masat e nevojshme gjatë periudhës së ndërprerjes.
