Ditën e premte u zbulua statuja e ish-sulmuesit të Manchester City, Sergio Agueros, pikërisht në ditën që kujtonte golin e famshëm të sulmuesit, që vulosi titullin e Premier League të sezonit 2011-2012, pasi që po atë ditë ishte 10 vjetori i atij goli historikk
Megjithatë, kjo statujë jashtë objektit të Etihad Stadium, ka ngjallur shumë zëra në rrjetet sociale dhe kanë filluar talljet duke thënë se ajo i përngjan më shumë mesfushorit të Real Madrid, sesa sulmuesit argjentinas.
E këtë situatë e ka komentuar edhe vet Toni Kroos, duke u tallur me statujën. Gazetari i njohur nga BBC, Simon Stone, kishte bërë një postim në rrjetin social Tëitter duke e publikuar fotorafinë e statujës së Aguero, duke shkruar “Sergio është këtu”.
I menjëhershëm ka qenë reagimi i gjermanit Kroos, i cili iu kundërpërgjigj gazetarit me një “retëeet” duke shkruar “A jeni i sigurt”, duke lënë të kuptohet se ai ndan të njejtin mendim me tifozët, në lidhje me ngjashmërinë e statujës.
Kjo nuk është hera e parë që bëhet gabime me statujën e një futbollisti. Në vitin 2017 një gjë e tillë i kishte ndodhur edhe portugezit Cristiano Ronaldo, të cilit i ngritën statujë në aeroportin e Madeiras. Megjithatë, atij nuk i kishte pëlqyer dhe ajo ishte zëvendësuar një vit më vonë.
