Kjo pasi që ura e shumëpritur e Peleshacit e cila lidh bregdetin e saj jugor të Adriatikut, duke përfshirë Dubrovnikun me pjesën tjetër të vendit u lëshua të martën për qarkullim.
Kjo urë prej 2.4 kilometrash do të sigurojë një lidhje të drejtpërdrejtë rrugore midis pjesës jugore të Kroacisë dhe pjesës tjetër të vendit, e cila aktualisht është e ndërprerë në Neum. Ku Bosnja dhe Hercegovina ka dalje në detin Adriatik.
“Rëndësia e urës është e madhe dhe nuk është vetëm emocionale për shkak të lidhjes së territorit të Kroacisë, por edhe për turizmin dhe ekonominë në përgjithësi,” tha ministri i transportit Oleg Butkoviç më parë këtë muaj, shkruan AP, transmeton Tëvë1.
Ura e Peleshacit është një projekt prej 525 milionë eurosh, ku prej tyre 357 milionë euro janë siguruar si grant nga Bashkimi Europian.
Presidentja e Komisionit Evropian Ursula von der Leyen dhe presidenti kinez Xi Jinping nëpërmjet një video-adresimi pritet të marrin pjesë në ceremoninë e inaugurimit të projektit në fjalë e që konsiderohet ndër më të mëdhat të infrastrukturës në Bashkimin Evropian, të ndërtuar nga Kina.
Po ashtu gjatë ditës do të zhvillohet edhe një program kulturor dhe artistik në zonën e pushimit në anën e gadishullit Peljesaç të urës.
Ura e Peleshacit është një nga projektet më ambicioze të vendit që kur Kroacia shpalli pavarësinë nga Jugosllavia në 1991.
